«Լիվերպուլ»-ի գլխավոր մարզիչ Բրենդան Ռոջերսի կարծիքով` իր սաները պետք է որքան հնարավոր է արագ մոռանան Եվրոպայի լիգայի շրջանակներում կրած անհաջողության մասին: Նրանք պարտավոր են կենտրոնանալ «Մանչեսթեր Սիթի»-ի դեմ խաղի վրա:
«Մենք պետք է առաջ շարժվենք և ավարտենք մրցաշրջանը որքան հնարավոր է լավ: Չնայած հիասթափությանը, «Լիվերպուլ»-ը պետք է վստահ խաղ ցուցադրի «քաղաքայիններ»-ի դեմ, ում նախորդ տարի հաղթել է 3:2 հաշվով»,- Daily Mail-ը մեջբերում է Ռոջերսի խոսքերը:
Հավելենք, որ եթե կիրակի օրը կայանալիք «Սիթի»-ի դեմ հանդիպմանը «Լիվերպուլ»-ը հաղթանակ տանի, ապա կարող է մոտենալ առաջնության առաջատարներին և իրադարձությունների հաջող դասավորման դեպքում զբաղեցնել երրորդ հորիզոնականը: Սակայն, ինչպես հայտնի է, «Բեշիկտաշ»-ից կրաց պարտությունից հետո Բրենդան Ռոջերսի սաներն այնքան էլ հաջող հոգեբանական վիճակում չեն գտնվում: