Բաղդադում դարձյալ իր աշխատանքն է սկսել Ազգային թանգարանը, որը փակվել էր 12 տարի առաջ՝ ամերիկյան ռազմական ներխուժումից հետո, հայտնում է BBC-ի ռուսական ծառայությունը:
Թանգարանում տեղի էին ունեցել լայնածավալ վերականգնողական աշխատանքներ, վերադարձվել են նաև պատերազմի ժամանակ գողացված բազմաթիվ ցուցանմուշներ:
Պաշտոնական բացումը կայացել է նախանշվածից ավելի վաղ, որպեսզի հասարակության ուշադրությունը գրավեն Մոսուլում ԴԱԻՇ-ի զինյալների կողմից պատմական հուշարձանների ավերման փաստի վրա:
ՄԱԿ-ի ԱԽ-ն արդեն բարբարոսություն է անվանել ջիհադականների կողմից հնագույն ասորեստանյան արձանների ոչնչացումը, որոնք զինյալները կուռքեր են անվանել: