Մարգո Ռոբբին դարձել է բրիտանական Harper’s Bazaar-ի ապրիլյան համարի հերոսուհին, ինչպես նաև հարցազրույց է տվել պարբերականին ու պատմել Լեոնարդո Դի Կապրիոյի մասնակցությամբ ծիծաղելի դեպքի մասին «Ուոլ Սթրիթի գայլը» ֆիլմի նկարահանման ժամանակ, գրում է spletnik.ru-ն:
«Լեոն իսկապես սարսափ էր պատճառում ինձ: Ես հազիվ էի նրան կարողանում պատասխանել: Ի վերջո նա ինձ ասաց. «Դու երջանիկ պետք է լինես ստանալով այնպիսի ամուսին, ինչպիսին ես եմ: Իսկ հիմա արի ու համբուրիր ինձ»: Ես մոտեցա նրան, նրա դեմքը շատ մոտ էր: Ես մտածեցի. «Գուցե համբուրե՞մ նրան: Ինձ էլ երբ հնարավորություն կընձեռնվի համբուրել անձամբ Լեոնարդո Դի Կապրիոյին»: Բայց գլխիս մյուս հատվածում ինչ-որ բան եղավ, ու ես նրան հարվածեցի ու ճչացի. «Գնա գրողի ծոցը»: Դա սցենարի համաձայն չէր: Սենյակում բոլորը սառել էին,- պատմել է դերասանուին:- Բայց այդ պահին Մարտին ու Լեոն ծիծաղեցին: Մարտին ասաց՝ դա հիանալի էր, իսկ Լեոն ասաց՝ հարվածիր ինձ նորից»:
