Չնայած ալարմիստական հռետորաբանությանը «դարպասների մոտ ռուս բարբարոսների մասին», Եվրոպան առանձնապես չի անհանգստանում Պուտինի պատճառով ու չի շտապում մեծացնել պաշտպանական բյուջեն: Ի՞նչ է առջևում՝ նոր «սառը պատերա՞զմ», թե՞ զիջումներ Կրեմլի մեծ կայսերական հավակնություններին: Ամերիկացի փորձագետ, Bloomberg View-ի վերլուծաբան Լեոնիդ Բերշիդսկին ենթադրում է, որ ԱՄՆ-ը ի վիճակի է զսպել Ռուսաստանին՝ առանց սկսելու «սառը պատերազմ»:
Այս տարի Մեծ Բրիտանիան, Գերմանիան, Կանադան, Իտալիան, Հունգարիան և Բուլղարիան կկրճատեն պաշտպանական ծախսերը, Ֆրանսիան դրանք կպահպանի անցած տարվա մակարդակին ու միայն 6 երկիր (Էստոնիա, Լատվիա, Լիտվա, Նորվեգիա, Ռումինիա ու Նիդեռլանդներ) կմեծացնեն: Մեծ Բրիտանիայի վարչապետ Դևիդ Քեմերոնը 2015թ. նորից կկրճատի պաշտպանական բյուջեն ավելի քան 1 մլրդ դոլարով, գրում է հեղինակը:
«Ռուսական ագրեսիան զսպելու կամ դրա դեմ պայքարելու համար Բալթյան երկրները կարող են հաշվարկել զգալի օգնություն միայն ԱՄՆ կողմից»,- եզրակացանում է հեղինակը:
«Պուտինյան Ռուսաստանը մեծացնում է բանակի ծախսերը, որ աշխարհում գրավի 4-րդ տեղը: Հակազդելու համար անհրաժեշտ կլինեն ՆԱՏՕ-ի բոլոր երկրների որոշակի ջանքերը, ոչ միայն Ռուսաստանի փոքրիկ հարևան երկրներինը»,- ասում է Բերշիդսկին:
Պրակտիկ քայլեր չեն լինի, մինչ ՆԱՏՕ-ի բոլոր անդամները Պուտինին չհամարեն վտանգավոր, սակայն դրան դեռ չեն հավատում՝ չնայած Ուկրաինայի իրադարձություններին: Ավելի ուղղակի մարտահրավեր կլիներ Բալթյան երկրներ ներխուժելը, «սակայն դատելով ամեն ինչից՝ Պուտինն այդքան խելացնոր չէ»,- ասվում է հոդվածում:
Brookings Institution-ում ռազմավարության ու միջազգային իրավունքի նախագծի ղեկավար Թոմաս Ռայթը Newsweek-ում պնդում է, որ «ԱՄՆ-ը ի վիճակի է զսպել Ռուսաստանին՝ չսկսելով նորից «սառը պատերազմ», ժամանակակից զսպումը առաջին հերթին կարող է լինել տարածաշրջանային, այլ ոչ թե գլոբալ, բացի այդ՝ այն կարող է հիմնված լինել սովորական, այլ ոչ թե միջուկային սպառազինությունների վրա, երրորդ՝ զսպումը պետք է ուղղված լինի Ռուսաստանի նախագահ Վլադիմիր Պուտինի, այլ ոչ թե ժողովրդի դեմ:
