1932թ. փետրվարի 27-ին ծնվել է ХХ դարի ամենագեղեցիկ կանանցից մեկը՝ Էլիզաբեթ Թեյլորը, գրում է depo.ua-ը:
Պարբերականը ներկայացնում է նրա հաջողության և գրավչության գաղտնիքները:
Էլիզաբեթը հայտարարել է, որ իր գեղեցկության գաղտնիքը ինքնավստահությունն է:
Դերասանուհին կարծում էր, որ կինը պետք է մշտապես հետևի ինքն իրեն և ճիշտ կենսակերպ վարի, որպեսզի տարիների հետ նույնքան գրավիչ լինի, որքան երիտասարդ ժամանակ:
Էլիզաբեթն անընդհատ մերսման, տաք ջրի և ֆիզիկական վարժությունների միջոցով խթանել է արյան շրջանառությունը:
Դերասանուհին չի հետևել դիմահարդարման այն կանոնին, որը թելադրում է, թե շեշտը պետք է միայն մեկ բանի վրա դնել: Էլիզաբեթը մի քանի շերտ կարմիր շրթներկով ներկել է շուրթերը, մգացրել առաց այն էլ հաստ հոնքերը, իսկ աչքերի մասին էլ խոսք չկա, քանի որ հենց նա է նորաձևության մեջ ներմուծել սլաքները:
Էլիզաբեթ Թեյլորը Հոլիվուդի ամենաթանկ վարձատրվող դերասանուհին էր, որը նրան հնարավորություն է տվել թանկարժեք հագուստներ և կոսմետիկա, ինչպես նաև զարդեր գնել: Նա կարծում էր, որ ստեղծված է շքեղության և ադամանդների համար:
Դերասանուհու կարծիքով՝ ճիշտ ընտրված օծանելիքը կնոջ գլխավոր զենքն է: Նա ծաղկային բույրեր է նախընտրել: Հատկանշական է, որ Էլիզաբեթն առաջին դերասանուհին էր, ով մտածել և սեփական օծանելինքն է թողարկել:
