Երգչուհի Մադոննան հայտնել է, որ Brit Awards մրցանակաբաշխության ժամանակ բեմի աստիճաններից ընկնելու հետևանքով վզի ու գլխի վնասվածքներ է ստացել: Այս մասին նա հայտնել է ВВС-ին տված հարցազրույցում, որից հատվածներ է ներկայացնում The Hollywood Reporter-ը:
«Ես վնասել եմ ողնաշարիս վզի հատվածը ու ծոծրակով հարվածել եմ հատակին: Մինչև առավոտյան երեքը իմ գլխավերևում լապտերով կանգնած էին, որ համոզվեն, որ ինձ հետ ամեն ինչ կարգին է: Երկու տարբերակ կար՝ կա́մ պիտի խեղդվեի, կա́մ ընկնեի: Ես ընտրեցի երկրորդը», – ասել է երգչուհին:
Նա ասել է, որ հրաժարվում է նայել տեղի ունեցածի տեսանյութն ու հավելել է, թե ելույթի ժամանակ այլևս երբեք թիկնոցներ չի կրի: