Hraparak.am-ը գրում է. «Հենց այս պահին Գագիկ Ծառուկյանի «Կոնյաչնիի» աշխատողներից մեկը պատմում է.
-Չգիտենք՝ ինչ է կատարվում: «Կոնյաչնին» պետականացնու՞մ են, թե սեփականացնում: -Ո՞վ է վերցնելու, ի՞նչ են ուզում, չենք հասկանում: Ոչ մեկը ոչնչից տեղյակ չէ: Վերջնաժամկետ են տվել՝ մինչև ամսի 16-ը բոլորն ազատման դիմումները գրած-պրծած լինեն: Գործընթացը սկսված է ու ամեն օր դիմում են գրում ու աշխատանքից ազատվում:
Զանգողն ասում էր, որ իրեն դեռ չեն զգուշացրել ու ինքը երևի վերջնաժամկետի վերջին օրը դիմում գրի, եթե մինչ այդ չզգուշացնեն: Շատերին անուն առ անուն զգուշացնում են: Նաև ասաց, որ երբ դեռ նոր-նոր խոսակցություն կար, աշխատողներին մի ամիս տուն ուղարկեցին ու փող չտվին: Մարդիկ ծայրահեղ վիճակում են, այսքանին անգործության են մատնում, ո՞նց ապրեն:
Ասում են, որ «Կոնյաչնին» չի փակվելու, աշխատելու է, այդ դեպքում ինչու՞ են այդքան աշխատողների դրսում թողնում, մարդիկ ո՞նց են ապրելու: Չնայած հասկանում ենք, որ Ծառուկյանին մոտ կանգնած մարդկանցից են առաջին հերթին ազատվում:
Երեկ աշխատողները խոսում էին, որ լռելով բան չի լինի: «Նաիրիտի» նման մենք էլ պիտի դուրս գանք: Բայց մի տեսակ անորոշ վախ կա, մեկն էլ մի բան չի ասում, որ անորոշությունը ցրվի: Անգամ մեր պատասխանատուները չգիտեն, թե ինչ է սպասվում:
Մանրամասները՝ սկզբնաղբյուր կայքում