Մենք մեր աշխատանքային ժամերի մեծ մասը համակարգչի առջև ենք անցկացնում: Սխալ նստելու ձևը կարող է մեջքի, պարանոցի, գոտկատեղի շրջանում սարսափելի ցավերի պատճառ դառնալ, գրում է toneto.net-ը:
Ահա մի քանի խորհուրդներ, որոնք կօգնեն այս իրավիճակում.
1. Աթոռը պարտադիր պետք է հարմար հենակ ունենա՝ բնական թեքությամբ: Աթոռի հենակի և մեջքի միջև տարածություն չպետք է լինի: Նման աթոռը ողնաշարի ծանրաբեռնվածության մի մասն իր վրա է վերցնում:
2. Ոտքերը պետք է հատակին այնպես դրվեն, որպեսզի թաթերը հատակին զուգահեռ լինեն:
3. Ձեզ անհրաժեշտ առարկաներն այնպիսի հեռավորության վրա մի դրեք, որ անընդհատ ձգվեք դրանք վերցնելու համար: Թող ամեն ինչ պարզված ձեռքի հեռավորության վրա լինի:
4. Ստեղնաշարը և մկնիկը պետք է արմունկի մակարդակին լինեն:
5. Ձեռքերը պետք է ուղիղ լինեն, չթեքվեն վերև կամ ներքև:
6. Տպելուց թուլացրեք մատները: Լարվածությունը վաղաժամ հոգնածություն է առաջացնում: Մկնիկ օգտագործելիս նույնպես թուլացրեք ձեռքերը:
7. Էկրանը ուղիղ ձեր դիմաց դրեք,փորձեք պարանոցը այս ու այն կողմ չպտտել:
8. Նվազագույնին հասցրեք աչքերի լարվածությունը: Մոնիտորը բացված ձեռքի հեռավորության վրա դրեք: Այն չպետք է վառ լույսի աղբյուրին մոտ լինի:
9. Օրվա ընթացքում թողեք աչքերը հանգստանան: Աչքերի վարժություններ արեք:
10. Ընդմիջումներ արեք: Պարտադիր չէ ընդհանրապես ոչինչ չանել: Ուղղակի փոխեք գործունեությունը: Մոնիտորի առջև նստելու փոխարեն զանգահարեք հաճախորդներին:
11. Պարբերաբար ձգվեք: