2012-ի խորհրդարանական ընտրություններից հետո ՀԱԿ-ի բազմաթիվ անդամներ հեռացան` չհանդուրժելով ՀԱԿ-ի համագործակցությունը ԲՀԿ-ի հետ: Նրանցից ոմանք անգամ զգուշացրին, որ Լևոն Տեր-Պետրոսյանի ջանքերով Հայաստանում տեղի է ունեցել ընդդիմադիր դաշտի բևեռափոխություն, ինչը, սակայն, երկար չի կարող տևել, քանզի ԲՀԿ-ն «կավե ոտքերով հսկա» է, որին իշխանությունները կարող են հաղթել հաշված օրերի ընթացքում: ՀԱԿ-ից հեռացողները նաև զգուշացրել էին, որ ԲՀԿ-ի` ընդդիմադիր բևեռից հեռացումը ցավոտ է լինելու նաև ՀԱԿ-ի համար, որը դժվար թե դրանից հետո կարողանա վերականգնել իր նախկին դիրքը:
ԲՀԿ-ՀՀԿ փետրվարյան հնգօրյա առճակատումից հետո ընդդիմադիր բևեռն ազատ է. ո՞ր ուժը կամ ո՞ր ուժերն ի զորու կլինեն ստեղծված ներաքաղաքական իրավիճակում այն զբաղեցնել: Այս հարցի շուրջ ԱՆՏԻՆՈՄԻԱՅԻ տաղավարում բանավիճում են «Քաղաքացիական պայմանագիր» միավորման կառավարման խորհրդի անդամ Ալեն Սիմոնյանը և «Անտարես» ընկերության տնօրեն Արմեն Մարտիրոսյանը: