Քիչ առաջ ավարտվեց իշխող Հանրապետական կուսակցության գործադիր մարմնի նիստը: ՀՀԿ խոսնակ Էդուարդ Շարմազանովն ասաց, որ նիստի ընթացքում քննարկվել են ներկուսակցական և ներքաղաքական հարցեր:
Անդրադարձ է եղել նաև ԱԺ քառօրյայի աշխատանքին:
Ի պատասխան հարցի, թե, ի վերջո, ի՞նչ է քննարկվել Սարգսյան-Ծառուկյան հանդիպման ժամանակ, Շարմազանովն ասաց. «Մարտի 5-ին կլինի ԲՀԿ համագումարը, կարող եք հարցնել ԲՀԿ գործընկերներից, Գագիկ Ծառուկյանի ներկայացրել է իր դիրքորոշումը»:
Իսկ այն առնչությամբ, թե շարունակո՞ւմ է պնդել դիրքորոշումը, որ հնչեցրել է նախկինում՝ ՀՀԿ խորհրդի նիստից հետո, նա շեշտեց. «Ես միշտ նույն կարծիքին եմ, մտածում՝ նոր եմ խոսում։ ԲՀԿ-ի վերաբերյալ հարցեր չենք քննարկել»:
Ինչ վերաբերում է ԲՀԿ-ի հետ հետագա համագործակցությանը, Շարմազանովն ասաց. «Ես կոռեկտ չեմ համարում իրենց համագումարը չեղած՝ հայտարություններ անել, սպասենք տեսնենք՝ ով է մնում քաղաքականության մեջ, ով հեռանում, և ինչ հայտարարություններ են հնչում»:
Հարցին, թե որևէ կուսակցության հետ կոալիցիա կազմելու վերաբերյալ քննարկումներ գնու՞մ են, Շարամզանվը պատասխանեց, որ այս պահին նման հարց իրենց օրակարգում չկա, և նման հարց չի քննարկվում:
