«Առաջին լրատվական»-ի զրուցակիցն է Ֆիզիկական կուլտուրայի հայկական պետական ինստիտուտի ռեկտոր, դոկտոր, պրոֆեսոր, Վահրամ Առաքելյանը:
– Պարոն Առաքելյան, օրերս ԲՀԿ առաջնորդ Գագիկ Ծառուկյանը ազատվեց Ֆիզկուլտուրայի ինստիտուտի խորհրդի նախագահի պաշտոնից: Նոր թեկնածուին դեռևս չե՞ն ներկայացրել:
– Չեն ներկայացրել, բայց տեղյակ ենք, թե ով է: Երևի մինչև ուրբաթ կամ ուրբաթ օրը կներկայացնեն: Ինստիտուտը իր հունով ընթանում է, աշխատում է, մեր ուսումնական գործընթացը նորմալ է, կոլեկտիվը ինչպես որ կա, այդպես էլ աշխատում է: Այս բուհը քաղաքականացված չէ, որովհետև այստեղ կան հանրապետականներ, դաշնակցականներ, ՕԵԿ-ի ներկայացուցիչներ: Այսինքն՝ փոփոխություններ չեն լինելու: Միակ բուհն է, որ տարբերություն չեմ դրել, բոլորը մի գծի վրա են, նույն պայմաններում են աշխատում, նույն ձևի ես բոլորին ընդունում եմ, հարգում եմ, սիրում եմ: Ես մեծ հաճույք եմ զգում դրանից ու այդպես էլ շարունակվելու է:
– Չե՞ք հասցրել զրուցել, թե ուսանողներն ինչպես են վերաբերվել:
– Ուսանողների հետ չեմ հասցրել զրուցել, նոր եմ եկել, բայց, գիտեք ինչ կա, քանի որ Ծառուկյանը սպորտի աշխարհի մարդ էր, երևի թե իրենց համար մի քիչ ծանր կլինի, որովհետև կանգնած էր իրենց կողքին: Մենք շնորհակալ ենք, որ ամեն ինչ արել է ինստիտուտի համար, բայց դա չի նշանակում, որ ինստիտուտը պետք է քաղաքականացվի: Ինստիտուը աշխատելու է, պետական հիմնարկ է, պետության շահերը պետք է պաշտպանի, և մենք պետք է ամեն ինչ անենք այդ ավանդույթը շարունակելու համար: Մեր նպատակը լավ, ուժեղ, առողջ սերունդ դաստիարակելն է, որովհետև մեր հայրենիքին հիմա այդպիսի սերունդ է պետք:
Զրույցն ամբողջությամբ՝ տեսանյութում: