Ինչպես փոխանցում է Reuters-ը, նավթի գներն արձանագրել են երկու տարվա ընթացքում առավելագույն գները: Այս գների վրա ազդել են ամերիկյան կառավարության` տնտեսության աջակցման նոր ծրագրերը, համաձայն որոնց` տնտեսության մեջ կներդրվեն մոտավորապես $ 600 մլրդ պետական գումարներ: Այս լուրերը խթանել են նաեւ ասիական շուկաների աճը: Ամերիկյան հում նավթի դեկտեմբերյան ֆյուչեսային գներն օրվա վերջին կազմել են 87.22$/բարել: Սա ամենաբարձր ցուցանիշն է` 2008թ. հոկտեմբերի 9-ին արձանագրած գներից ի վեր: Գերազանցվել է նաեւ այս տարվա մայիսի 3-ի գինը` 87.15 $/բարել: Այս շաբաթ նավթի գների աճը կազմել է արդեն 7%: Նավթի գների աճին նպաստել է նաեւ դոլարի ցածր փոխարժեքը: Այն երեկ կազմել է 1,42 դոլար` մեկ եվրոյի դիմաց: