Ամերիկյան ԶԼՄ-ների ներկայացուցիչները նախագահ Օբամայի վարչակազմին մեղադրում են ազատ մամուլի վրա ճնշում գործադրելու համար, հաղորդում է The Hill-ը:
HBO ամերիկյան հեռուստաալիքի հաղորդավար Բիլ Մահերը Բարաք Օբամային համարել է «ամենավատ նախագահ», ում օրոք լրագրողներին գնալով ավելի հաճախ են մեղադրում լրտեսության համար, իսկ ազատ մամուլի վրա գործադրվում է այնպիսի ճնշում, որի նմանը չի եղել ԱՄՆ-ի ամբողջ պատմության մեջ:
«Նա, հավանաբար, ԶԼՄ-ների վրա ճնշում գործադրելու հարցում ամենավատ նախագահն է բոլոր նրանցից, ովքեր եղել են: Նա լրտեսության մասին օրենքը կիրառել է ավելի հաճախ, քան ցանկացած նախագահ»,- ասել է Մահերը:
Պարբերականը նաև նշել է, որ ընթացիկ շաբաթում սա միակ դեպքը չէ, երբ ԱՄՆ վարչակազմին մեղադրում են լրագրողների աշխատանքին խոչընդոտելու համար: CBS News-ի նախկին թղթակից Շերիլ Աթքինսոնն ավելի վաղ հայտարարել է, որ Սպիտակ տան ներկայացուցիչները լրագրողներին վերաբերվում են ինչպես պետության թշնամիների: