spletnik.ru-ն դերասանուհի Նատալի Պորտմանին դարձրել է իր «Էվոլյուցիա» ամենշաբաթյա խորագրի հերոսուհին ու հետևել է նրա կերպարի ու ոճի փոփոխությանը:
Նատալի Պորտմանը ծնվել է 1981 թ. հունիսի 9-ին Երուսաղեմում: Իսկական ազգանունը Հերշլագ է: Դերասանուհու նախնիները մայրական գծով Ռուսաստանի և Ավստրո-Հունգարիայի, հայրական կողմից՝ Ռումինիայի և Լեհաստանի հրեաներ են:
Իր բեմական «Պորտման» ազգանունը նա վերցրել է մայրական կողմի տատիկի պատվին, որի աղջկական ազգանունը Պորտման է եղել:
Երբ Նատալին 3 տարեկան է եղել, նրա ընտանիքն իսրայելից տեղափոխվել է ԱՄՆ:
«Ես շատ եմ սիրում ԱՄՆ-ը, բայց իմ սիրտը Երուսաղեմում է. այնտեղ ես ինձ տանն եմ զգում»,- մամուլին ասել է նա:
4 տարեկանից Պորտմանը պարել է և ելույթ ունեցել տեղի խմբերի հետ:
11 տարեկանում մոդել դառնալու առաջարկ է ստացել, բայց հրաժարվել է, քանի որ ցանկացել է կենտրոնանալ դերասանության վրա:
«Ես տարբերվում էի մյուս երեխաներից: Ես ավելի ամբիցիոզ էի, գիտեի, թե ինձ ինչ է դուր գալիս, և ինչ եմ ուզում, ու ջանասիրաբար աշխատում էի: Շատ լուրջ երեխա էի»,- ասել է Պորտմանը:
1994 թ. Պորտմանը 13 տարեկանում անցել է Լյուկ Բեսոնի «Լեոն» ֆիլմի քասթինգը, որում խաղացել է իր առաջին գլխավոր դերը: Այդ ֆիլմից հետո նա սկսել է նվաճել մեծ կինոյի աշխարհը:
Բացի տարբեր ֆիլմերում նկարահանվելուց՝ դերասանուհին հասցրել է նաև ակադեմիական կարիերա կերտել. նա բազմիցս եղել է խոշոր հետազոտական աշխատանքների համահեղինակ, նաև ավարտել է Հարվարդի համալսարանը՝ ստանալով հոգեբանության բակալավրի աստիճան:
Պարտմանը խաղացել է կոմերցիոն առումով հաջողված «Հակամարտություն» ֆիլմում, «Գեղեցիկ աղջիկները» մելոդրամայում, Վուդի Ալենի «Բոլորն ասում են, որ ես սիրում եմ քեզ»-ում, Թիմ Բերթոնի «Մարսը գրոհում է» ֆանտաստիկ կատակերգությունում, Ջորջ Լուկասի Աստղային պատերազմներ. Էպիզոդ I. Թաքնված սպառնալիք»-ում, Ուեյն Վանի «Որտեղ որ հարմար է, միայն ոչ այստեղ» դրամայում, Ջորջ Լուկասի «Աստղային պատերազմներ. Էպիզոդ II. Կլոնների հարձակումը» և այլ ֆիլմերում:
Մայք Նիքոլսի «Մտերմություն» ֆիլմում դերի համար Պորտմանն արժանացել է «Ոսկե գլոբուսի», նաև առաջադրվել է «Օսկարի» և BAFTA-ի:
Դարեն Արոնովսկու «Սև կարապ» ֆիլմում դերի համար Նատալին արժանացել է «Ոսկե գլոբուսի» և «Օսկարի»:
Հիշեցնենք՝ Պորտմանն արդեն մի քանի տարի համագործակցում է Dior նորաձևության տան հետ, նաև Miss Dior-ի մշտական դեմքն է:
1996 թ.
1998 թ.
2001 թ.
2002 թ.
2003 թ.
2004 թ.
2005 թ.
2006 թ.
2007 թ.
2008 թ.
2009 թ.
2010 թ.
2011 թ.
2012 թ.
2013 թ.
2014 թ.
2015 թ.
1998 թ./ 1999 թ.
2002 թ./ 2003 թ.
2004 թ./ 2005 թ.
2006 թ./ 2007 թ.
2008 թ./ 2009 թ.
2010 թ./ 2011 թ.
2012 թ./ 2013 թ.
2014 թ./ 2015 թ.