Երիտասարդ գայլերն ամբողջությամբ կախված են իրենց ծնողներից և ոհմակից, հաղորդում է BBC Earth-ը:
Գորշ գայլն անհիշելի ժամանակներից խորհրդանշում է ազատության և վայրի բնության ոգին: Սակայն փոքրիկ գայլուկները ծնվում են շատ անօգնական, կույր և խուլ:
Մելվիլյան կղզեգայլերը գայլերի ենթատեսակ են, որոնք հանդիպում են Կանադայի անմարդաբնակ արկտիկական շրջաններում: Նրանք հազվադեպ են հանդիպում մարդկանց:
Գայլուկները որջը լքում են ծնվելուց մոտ 10 շաբաթ անց: Իրենց ոռնոցի օգնությամբ գայլերը բավական հեռու տարածությունից կարող են շփման մեջ լինել: Նրանք ոռնում են միմյանց գտնվելու վայրը պարզելու, հավաքվելու և այլնի համար:
Արկտիկական գայլուկները շատ համարձակ են, հետաքրքրասեր և չեն վախենում մարդկանցից: Ծնվելու առաջին 10 շաբաթը գայլուկները պետք է սնվեն մոր կաթով, հակառակ դեպքում նրանք ողջ չեն մնա: Մայրը միաժամանակ կարող է մի քանի ձագերի կերակրել:
Մոր կաթով չսնվող գայլուկների կերակուրը հոգում է ոհմակը: Գայլերը որջ կերակուր են տանում: Ժամանակի ընթացքում գայլուկներն սկսում են «մեծերին» ուղեկցել որսի ժամանակ: