Ապրիլի 21-ին Եղիսաբեթ թագուհին կդառնա 90 տարեկան: Սեպտեմբերի 9-ին նա՝ որպես ամենաերկար գահակալած միապետ, կանցնի Վիկտորիա թագուհուց: Մինչ այդ օրը Եղիսաբեթ թագուհին կգահակալի 63 տարի և 217 օր: Թագավորման ողջ ընթացքում թագուհին ոչ մի սխալ քայլ թույլ չի տվել, և շատ բարդ իրավիճակներում ենթակաները կարող էին միայն գուշակել, թե ինչի մասին է նա մտածում իրականում, գրում է The Daily Mail-ը: Սառնասրտությունը Եղիսաբեթին հայտնիություն ապահովեց, նշում է թերթը: Բայց ի՞նչ է դա նշանակում 66-ամյա արքայազն Չարլզի համար:
Հիմա ոչ մի վստահություն չկա, թե որքանով բարեհաճ կլինեն նրա նկատմամբ հպատակները: Ինչպես գրում է թերթը՝ անհանգստություն են առաջացնում արքայազնի քայլերը՝ իր կարծիքը կառավարությանը թելադրելու ուղղությամբ: Հնարավոր է՝ դա այն պատճառով է, որ նա անընդհատ իրեն զգում է մոր ստվերում և ցանկանում է ազդեցություն գործել քաղաքականության վրա:
Վերջերս, անցնելով Վիկտորիա թագուհու արձանի մոտով, արքայազն Չարլզն իր անձնական օգնականի հետ զրույցում հիշել է, թե ինչպես է ժողովուրդն հավաքվում պալատի մոտ, որպեսզի ողջունի իր մորը արտերկրից վերադառնալուց հետո:
«Նրանք երբեք ինձ այդպես չեն ողջունի»,- հավելել է նա։ Օգնականն էլ, փորձելով հարթել Չարլի վատատեսությունը, ասել է, որ հեռուստատեսության և համացանցի դարաշրջանում իրավիճակը շատ է փոխվել, հաղորդում է The Daily Mail-ը:
