«Մանչեսթեր Սիթի»-ի կիսապաշտպան Ֆրենկ Լեմպարդն իր կարծիքն է հայտնել Անգլիայի Պրեմիեր Լիգայի 23-րդ տուրի «Չելսի»-ի դեմ հանդիպման վերաբերյալ: Հանդիպումն ավարտվել է ոչ-ոքի` 1:1 հաշվով: Լեմպարդը փոխարինման է դուրս եկել 77-րդ րոպեին: 36-ամյա ֆուտբոլիստը լոնդոնցիների կազմում հանդես է եկել 2001-2014 թվականներին:
«Չեմ կարծում, թե թիմերից մեկը դժգոհ է արդյունքից: Ինչ վերաբերում է ինձ, ապա օրն ինձ համար փոքր-ինչ տարօրինակ էր: «Սթեմֆորդ Բրիջ» վերադարձա և մի քիչ նյարդայնանում էի: Բայց այն, թե ինչպես ինձ ընդունեցին երկու թիմերի երկրպագուները, պարզապես, աննկարագրելի է:
«Չելսի»-ի երկրպագուները ցուցադրեցին իրենց բարձր մակարդակը: Չնայած, ես չգիտեի, թե ինչպես նրանք կվերաբերեն իմ վերադարձին: Ուրախ էի «Սթեմֆորդ Բրիջ» վերադառնալ և տեսնել բազմաթիվ հարազատ դեմքեր»,- Daily Mail-ը մեջբերում է Լեմպարդի խոսքերը:
