«Վեսթ Հեմ»-ի դեմ խաղից հետո «Լիվերպուլ»-ի գլխավոր մարզիչ Բրենդան Ռոջերսն ամփոփել է հանդիպման արդյունքները:
«Սթարիջը բարձրակարգ ֆուտբոլիտ է: Նա արդեն ապացուցեց դա: Դենիելն օգտվեց գոլ խփելու առաջին իսկ հնարավորությունից:
Իհարկե, մենք մտահոգված էինք «Չելսի»-ի դեմ խաղում պարտություն կրելու պատճառով: Հասկանում էինք, որ այս հանդիպումը նույնպես հեշտ չի լինի: «Լիվերպուլ»-ը հիանալի խաղաց: Մենք կարող էինք ավելի շատ գոլեր խփել»,- Daily Mail-ը մեջբերում է Ռոջերսի խոսքերը: