Հյուսիսայի Կորեայի առաջնորդ Կիմ Չեն Ինը հայտարարել է, որ երկիրը պատրաստ է դիմակայության ցանկացած տեսակի, ներառյալ միջուկային պատերազմը, գրում է Gazeta.ru-ն:
«Ամերիկյան ավիակիրը ծովի հատակն ուղարկելը մեզ համար իրականանալի է»,- ասել է նա:
Կիմ Չեն Ինի խոսքերով` ինքն այլևս ցանկություն չունի լսելու «կատաղած շների հաչոցը», որոնք քննադատում են Հյուսիսային Կորեայի քաղաքական կառուցվածքը:
Նշվում է նաև, որ զորավարժություններ են անցկացվել Կորեական ժողովրդական բանակի ռազմաօդային և ռազմածովային ստորաբաժանումներում: Զորավարժությունները ղեկավարել է անձամբ մարշալ Կիմ Չեն Ինը:
Ըստ զորավարժությունների սցենարի` Հյուսիսային Կորեայի ավիացիան և ծովային ուժերը հակառակորդի ավիակրի վրա անսպասելի հարված են մշակել: Հարձակման ժամանակ գործի են դրվել սուզանավեր: Կիմ Չեն Ինը հայտարարել է, որ զորավարժությունների նպատակն էր «ամերիկացի ագրեսիվ իմպերիալիստների ուժերի ավիակիր հարվածային խմբավորումը ոչնչացնելը»:
