Սիրիական Քոբանի քաղաքը, որը կարևոր դիրք է զբաղեցնում Թուրքիայի հետ սահմանին, լիովին ազատվել է Իսլամական պետություն խմբավորման գրոհայիններից: Այդ մասին հայտարարել է ամերիկացի գեներալ Ջեյմս Թերին, որը գլխավորում էր Սիրիայում իսլամիստների դեմ օպերացիա իրականացրած միացյալ զորախումբը, հաղորդում է TASS-ը:
Նա նշել է, որ իրենց քաղաքը պաշտպանած քրդերի ստորաբաժանմանը մի քանի ամսվա ընթացքում հաջողվել է այնտեղից դուրս մղել ահաբեկիչներին ԱՄՆ-ի և դաշնակիցների ռազմաօդային ուժերի օգնությամբ:
«Քրդական ցամաքային ուժերը, որոնց աջակցում է մեր օդուժը, կարողացել են վերականգնել վերահսկողությունը Քոբանիի նկատմամբ»,- հաղորդել է Թերին: