«Իսլամական պետության» գրոհայինները գլխատել են ճապոնացի գերի Կենձի Գոտոյին, հաղորդում է Agence France-Presse-ը՝ հղում անելով ծայրահեղական ռեսուրսներին:
Ահաբեկիչները տեսանյութ են հրապարակել, որում, իրենց պնդմամբ, ներկայացվում է ունենում գերու գլխատումը: Ճապոնական իշխանությունները հաղորդում են, որ արդեն սկսել են նյութը վերլուծել և մոտ ժամանակներս կհաստատեն կամ կհերքեն այդ փաստը:
Ավելի վաղ հայտնի էր դարձել, որ ճապոնական իշխանությունների և իսլամիստների միջև բանակցությունները փակուղի են մտել: «Իսլամական պետությունը» պահանջում էր փոխանակել գերուն ահաբեկիչ Սաջիդա ար-Ռիշաուի հետ:
Եթե տեսանյութը կեղծված չէ, ապա Գոտոն երկրորդ ճապոնացին է, որին գլխատել են ԻՊ-ի գրոհայինները: Մեկ շաբաթ առաջ գլխատվել էր Հարունա Յուկավան:
Միջազգային հանրությունը արձագանքում է ճապոնացի գերու գլխատմանը: ՄԱԿ-ի գլխավոր քարտուղար Պան Գի Մունը դատապարտել է ահաբեկիչների կողմից գերու սպանությունը Սիրիայում և այն բարբարոսություն անվանել:
