Թուրքիայի նախագահ Ռեջեփ Թայիփ Էրդողանը շաբաթ օրը հայտարարել է, որ ԱՄՆ-ում բնակվող ընդդիմադիր իսլամիստ քարոզիչ Ֆեթհուլլահ Գյուլենի կողմնակիցները կապված են իսրայելական հետախուզության՝ «Մոսադ»-ի հետ: Այս մասին գրում է Ria Novosti-ն:
Հիշեցնենք, որ 2013-ի սեպտեմբերին Թուրքիայում անցկացվել է հակակոռուպցիոն գործողություն, որից հետո երկրում ձերբակալվել են «Հիզմեթ» («Զուգահեռ պետություն») շարժման մասնակիցները, որն իբր ղեկավարում և ֆինանսավորում է Գյուլենը: Էրդողանի կարծիքով՝ նա ձգտում է տապալել Թուրքիայի կառավարությունը:
«Ամոթ նրանց, ովքեր չեն տեսնում, որ նրանք համագործակցում են «Մոսադ»-ի հետ»,- ասել է Էրդողանը՝ հավելելով, որ Գյուլենի կողմնակիցները Թուրքիայում աշխատում են երկրի ազգային շահերի դեմ և «ոչ մի արդարացում» չունեն: