ՆԱՏՕ-ի գլխավոր քարտուղար Յենս Ստոլտենբերգը Ռուսաստանին մեղադրել է հարևան երկրների հետ սահմանների խախտման մեջ: Այդ մասին դաշինքի ղեկավարը հայտարարել է Le Figaro-ին տված հարցազրույցում:
«Ռուսաստանը խախտում է հարևան երկրների նորմերն ու սահմանները»,- հայտարարել է Ստոլտենբերգը՝ ընդգծելով, որ այդ երկիրը շարունակում է մեծ կապիտալ ներդնել երկրի պաշտպանության մեջ նույնիսկ տնտեսական լոիրջ ճգնաժամի ընթացքում:
Ստոլտենբերգի խոսքերով՝ Ռուսաստանը աջակցում է Դոնբասի անջատողականներին՝ ավելացնելով ծանր սպառազինության, տանկերի, ՀՕՊ ժամանակակից համակարգի մատակարարումը, էլ չասած՝ զինվորականներին ուղարկելու մասին:
«Զինամթերքի որոշ տեսակներ այնքան ժամանակակից են, որ չէին կարող լինել անջատողականների զինանոցում»,- հայտարարել է դաշինքի ղեկավարը: