Glow սթարթափը գումար է հավաքում ականջակալներ թողարկելու համար, որի լարերը կարող են լույս արձակել: Glow անվանումը ստացած սարքը համաժամանակեցվում է սմարթֆոնի հետ և լույսի արձակմամբ արձագանքում սրտի բաբախյունին կամ երաժշտությանը: Ներկայացված են երեք գույնի մոդելներ՝ կարմիր, կանաչ և կապույտ՝ գրում է Mirfaktov.com-ը:
Glow-ի արտադրության մեջ կիրառվում է օպտիկական ապակե մանրաթելի Fibrance տեխնոլոգիան՝ Corning ընկերությունից: Նման ականջակալներն ավելի բարակ են, վառ և ճկվող:
Ականջակալների ներքևում գտնվում է փոքրիկ հաղորդիչ, որը հետևում է սրտխփոցների հաճախականությանը: Glow-ը դեռևս համատեղելի է միայն Android սարքավորումների հետ:
«Խելացի» ականջակալների ստեղծողները խոսում են նաև բարձրորակ ձայնի մասին: