«168 ժամ» թերթը գրում է. «ՀՀ քննչական կոմիտեից պատասխանելով մեր թղթակցի գրավոր հարցմանը՝ հայտնել են, որ Վալերի Պերմյակովից 2015թ. հունվարի 21-ին վերցվել են արյան և մեզի փորձանմուշներ, որոնց նկատմամբ նշանակվել են փորձաքննություններ: Ընդհանրապես արյան և մեզի փորձանմուշներով տոքսիկաքիմիական փորձաքննության արդյունքում հնարավոր է պատասխանել նաև հարցերին՝ արդյոք դրանցում ալկոհոլի կամ թմրանյութի առկայություն կա՞, թե՞ ոչ, եթե՝ այո, ի՞նչ քանակությամբ, արդյոք կոնկրետ ժամանակահատվածում անձը գտնվել է ալկոհոլի կամ թմրանյութի ազդեցության տա՞կ, թե՞ ոչ:
Ինչպես հայտնի է, դեպքը տեղի է ունեցել հունվարի 12-ին, իսկ փորձանմուշները վերցվել են հունվարի 21-ին՝ 10 օր անց: Ուշագրավ է, որ դերասան Վարդան Պետրոսյանի գործով էլ արյան փորձանմուշը վերցվել էր վթարից 9 օր անց, և փորձագետն իր հետևություններում նշել էր, որ «նշված ժամանակահատվածում» էթիլ սպիրտի առկայությունը արյան փորձանմուշի մեջ չէր կարող պահպանվել այդ իսկ պատճառով նրանից վերցված արյան փորձանմուշն ալկոհոլի առկայության համար փորձաքննության չեն թարկվել»։
Մանրամասները՝ թերթի այսօրվա համարում։
