Facebook-ի օգտատերերի ավելի քան 80%-ը սոցցանց է մտնում բջջային սարքերից, այդ պատճառով ընկերությունը փոխել է բիզնես-մոդելը. նրա ընդհանուր գովազդային եկամտի մեջ բջջային գովազդի մասը երկու տարում 14%-ից ավելացել է մոտավորապես մինչև 69%: Այս մասին հայտնում է top.rbc.ru-ն:
Facebook-ի զեկույցից հետևում է, որ 2014թ. IV եռամսյակում ընկերությունը գովազդից վաստակել է 3.59 մլրդ դոլար՝ մոտ 1.5 անգամ ավելի, քան 2013թ. նույն ժամանակահատվածում: Միաժամանակ, Facebook-ի գովազդային եկամտի մոտ 69%-ը բերել է հենց բջջային գովազդը: Համեմատության համար նշենք, որ 2012թ. III եռամսյակում այն կազմել է ընդամենը 14%, մոտավորապես այդ ժամանակ սոցցանցը սկսել է սովորել բջջային սարքերի միջոցով վաստակել:
