Google համացանցային ընկերության մաքուր շահույթը 2014 թվականի չորրորդ եռամսյակի արդյունքներով կազմել է 4.76 մլրդ դոլար, մինչդեռ անցած տարի ցուցանիշը եղել է 3.38 մլրդ դոլար։ Այս մասին ասվում է ընկերության տարածած հաշվետվությունում՝ փոխանցում է TASS գործակալությունը։
Եկամուտը հաշվետու ժամանակահատվածում ցուցաբերել է 15 տոկոսի աճ և հասել 18.1 մլրդ դոլարի։ Google-ի հիմնական կայքին է բաժին ընկնում եկամտի 69 տոկոսը։
Գովազդային բանների սեղմման միջին արժեքը 2014-ի չորրորդ եռամսյակում նվազել է 3 տոկոսով։