Մեծ Բրիտանիայի ԱԳՆ-ը Ռուսաստանի դեսպանին կանչել է բացատրություններ տալու համար, թե ինչու են ռուսական Տու-95 ռմբակոծիչները հատել Լա Մանշը: Դրա պատճառով բրիտանացի ավիադիսպետչերները ստիպված են եղել փոխել քաղաքացիական ինքնաթիռների երթուղիները: Այս մասին գրում է BBC-ն:
Բրիտանական կործանիչներն օդ են բարձրացվել ռուսական ռմբակոծիչներին վերահսկելու համար և ուղեկցել են դրանց մինչև Մեծ Բրիտանիայի օդային տարածքը լքելը:
«Մենք Ռուսաստանի դեսպանին կանչել ենք միջադեպի բացատրության համար, որի պատճառով խախտվել է քաղաքացիական ավիացիայի հաղորդակցությունը»,- հայտարարել է Միացյալ Թագավորության ԱԳՆ մամլո քարտուղարը:
Նշվում է, որ ռուսական ինքնաթիռներին ուղեկցել են բրիտանական «Թայֆուն» ինքնաթիռները: