BBC համաշխարհային ծառայությունը, որը հեռարձակվում է տարբեր լեզուներով 200 մլն մարդու համար ամբողջ աշխարհում, անկում է ապրում, քանի որ այն ի վիճակի չէ մրցակցել Ռուսաստանի, Չինաստանի և Կատարի՝ պետական ֆինանսավորում ստացող ԶԼՄ-ների հետ: Այս մասին գրում է Financial Times պարբերականը:
Վերջին ժամանակներս BBC-ն ստիպված է եղել կրճատել բյուջեն և հեռարձակումը, ինչպես նաև նորությունների թողարկումն ավելի քան տասը լեզուներով:
«Չինաստանը, Ռուսաստանը և Կատարն իրենց միջազգային հեռուստաալիքներում ներդրումներ են անում այնպիսի ծավալներով, որքան մենք ի վիճակի չենք, սակայն այդ ալիքներից ոչ մեկը չունի մեր արժեքը և մեր ունակությունները` հետաքննելու ցանկացած պատմություն, որքան էլ որ այն բարդ լինի»,- ընդգծվում է հեռուստաընկերության հաղորդագրությունում:
Նշվում է, որ Չինաստանի կենտրոնական հեռուստատեսությունը մոտ 7 մլրդ դոլարի ներդրում է ստացել միջազգային օպերացիաները զարգացնելու համար:
Ռուսական RT-ն ստացել է 300 մլն դոլար:
Կատարական Al Jazeera-ն մոտ 1 մլրդ դոլար է ծախսել անգլերենով հեռարձակման համար: