Թուրինի «Յուվենտուս»-ի կիսապաշտպան Պոլ Պոգբայի գործակալ Մինո Ռայոլան հայտարարել է, որ եթե իր հաճախորդն ակումբային գրանցումը չփխի 2015թ., դա կանի հաջորդ տարի:
«Նոր պայմանագիր ստորագրելը ձեռնտու էր ինչպես ակումբի, այնպես էլ Պոգբայի համար: Ցանկանում եմ, որ նրա ծառայություններով հետաքրքրվող թիմը հավատա Պոգբային ու պատրաստ լինի լավ վճարել:
Պոլը կհեռանա միայն իսկապես գրանդ ակումբ տեղափոխվելու համար: Եթե դա տեղի չունենա 2015-ին, կկատարվի հաջորդ տարի: Պոգբան վարձատրվում է այնքան, որքան մյուս աստղերը:
Նա ունի համապատասխան կարգավիճակ, այնպես որ, կարող է այստեղ մնալ ևս մեկ տարի: Նա միակ վառ աստղն է, որը տրանսֆերային շուկայում հասանելի է լինելու մրցաշրջանի ավարտին:
Եթե հնարավոր չլինի ձեռք բերել Մեսսիի, Ռոնալդուի կամ Իբրահիմովիչի տրանսֆերը, կարելի է ուշադրություն դարձնել Պոգբային: Իրավիճակն այսպիսին է՝ «Յուվենտուս»-ն այդ տրանսֆերից կարող է վաստակել ավելի քան 100 մլն եվրո»: