Կլոդ Մոնեի 1908 թ. «Գրանդ ջրանցք», Վասիլի Կանդինսկու Moscau II, Անրի Թուլուզ-Լոտրեկի «Անկողնում. համբույր» կտավները դարձել են «Իմպրեսիոնիստներն ու ХХ դարի արվեստը» աճուրդի գլխավոր լոտերը, որը կանցկացվի Լոնդոնում փետրվարի 3-ին: Այս մասին հայտնում է TASS-ը:
Sotheby’s աճուրդի տան փորձագետները Մոնեի կտավը գնահատել են 20-30 մլն ֆունտ ստերլինգ: Այդքան բարձր գինը պայամնավորված է նրանով, որ նկարը 6 տարի ցուցադրվել է Լոնդոնի Ազգային պատկերասրահում:
Աճուրդի է հանվել Մոնեի ևս մեկ նկար՝ «Կառան» (նախնական արժեքը՝ 7,5-10 մլն ֆունտ ստերլինգ):
Աճուրդի է հանվել նաև Վասիլի Կանդինսկու Moscau II նկարը (նախնական արժեքը՝ 6-8 մլն ֆունտ ստերլինգ) և «Անանուն» գրաֆիկական աշխատանքը (նախնական արժեքը՝ 800 000-1,2 մլն ֆունտ ստերլինգ), որոնք նա ստեղծել է 1916 թ.:
Էդգար Դեգի, Օգյուստ Ռոդենի, Կազիմիր Մալևիչի ստեղծագործությունները, այդ թվում՝ Անրի Թուլուզ-Լոտրեկի «Անկողնում. համբույրը» և Անրի Մատիսի «Հարճը սև բազկաթոռում», նույնպես դրված են աճուրդի. դրանք գնահատվել են 9-12 մլն ֆունտ ստերլինգ:
