Էբոլա համաճարակի տենդը, որն Աֆրիկայում մոտ 9000 մարդու կյանք է խլել, մոտ է ավարտին։ Այս մասին հայտնում է Առողջապահության համաշխարհային կազմակերպությունը՝ փոխանցում է BBC-ն։
ԱՀԿ տվյալներով՝ վերջին շաբաթում գրանցվել է հիվանդացության ընդամենը 99 նոր դեպք։ Ինչպես հայտարարել են կազմակերպությունում, վարակվածների նման փոքր թիվ 2014-ի հունիսից ի վեր գրանցվել է առաջին անգամ։
Հայտարարությունում ասվում է, որ համաճարակին ուղղված արձագանքն այժմ անցել է երկրորդ փուլ, երբ հիմնական ուշադրությունը դարձվում է ոչ թե վիրուսի տարածման դանդաղեցմանը, այլ համաճարակի նկատմամբ հաղթանակին։
Ավելի վաղ Լիբերիայի (տենդից ամենամեծ թվով զոհերն ունեցող երկիրն է) իշխանությունները հայտարարել են, որ ներկայումս պաշտոնապես հաստատված է հիվանդացության ընդամենը 5 դեպք։
