ԽՍՀՄ նախկին նախագահ Միխայիլ Գորբաչովը հայտարարել է, որ Ռուսաստանի և ԱՄՆ միջև բացահայտորեն սառը պատերազմ է ընթանում, որը կարող է վերածվել «տաքի»: Այս մասին հայտնում է INTERFAX-ը:
Գորբաչովի խոսքով՝ Վաշինգտոնը Մոսկվային ներքաշել է հակամարտության մեջ՝ «փորձելով բացեիբաց իրագործել հաղթահերոսության մասին իր գլխավոր գաղափարը»:
«Ցավոք, ես արդեն չեմ կարող հաստատապես ասել, որ սառը պատերազմը չի հանգեցնի «տաքի»: Վախենամ՝ նրանք (ԱՄՆ-ը) կարող են ռիսկի դիմել»,- հավելել է Գորբաչովը:
Նա նաև հիշեցրել է Արևմուտքի հակառուսական պատժամիջոցների մասին: «Հիմա միայն լսում ես Ամերիկայից, ԵՄ-ից Ռուսաստանի նկատմամբ պատժամիջոցների մասին: Մի՞թե նրանք բոլորովին կորցրել են գլուխը»,- նշել է նա: