Լոզանում Շվեյցարական դաշնային տեխնոլոգիական ինստիտուտի հետազոտողները ստեղծել են անօդաչու սարք, որը կարող է ոչ միայն թռչել, այլև սողալ ցանկացած մակերևույթի վրա։ Ստացվել է մեխանիկական չղջիկ, որը պիտանի կլինի գիտության տարբեր ոլորտներում, փրկարարական և ռազմական գործերում։ Այս մասին հայտնում է Vesti-ն։
Անօդաչու սարքերը, որոնք կարող են թռչել և տեղաշարժվել ցամաքում, պոտենցիալ կիրառության մեծ ոլորտ ունեն։ Նման ռոբոտներն ունենում են մեծ անիվներ, ինչը մեծացնում է սարքի կշիռն ու չափսերը։
Նոր ռոբոտը, որը ստացել է DALER անվանումը, ոգեշնչված է վամպիր չղջիկներով, որոնք կիրառում են թևերի ծայրերը՝ ցամաքում շարժվելու համար։
Ռոբոտը շարժվում է օդում 70 կմ/ժամ արագությամբ, իսկ ցամաքում 6 սմ/վայրկյան արագությամբ։
