Microsoft-ի նախկին ղեկավար Բիլ Գեյթսը վերադառնում է Microsoft-ում ակտիվ աշխատանքի: Նա մասնակցում է «Անհատական գործակալ» կոդային անվանումով նախագծի: Այս մասին Գեյթսը հայտնել է Reddit կայքի օգտատերերի հետ առցանց զրույցում:
«Նախագծերից մեկը, որոնց վրա ես աշխատում եմ Microsoft-ի հետ, «Անհատական գործակալն» է: Նա կհիշի ամեն ինչ և ձեզ կօգնի վերադառնալ ու ինչ-որ բան գտնել, կօգնի ընտրել իրեր, որոնց վրա պետք է ուշադրություն դարձնել,- հայտնել է Microsoft-ի հիմնադիրը:- Երբ դուք սկզբից գտնում եք հավելվածները, բացում եք դրանք, և դրանցից յուրաքանչյուրը փորձում է ձեզ հայտնել, թե ինչ նոր բան է տեղի ունեցել՝ դա ոչ արդյունավետ մոդել է, և «գործակալը» կօգնի լուծել այդ խնդիրը»:
Դատելով նկարագրված գործառնությունից՝ Գեյթսի մշակումը կյանքի կոչել հնարավոր կլինի Cortana ձայնային ասիստենտում, որը, հիշեցնենք, կներդրվի Microsoft օպերացիոն համակարգի նոր տարբերակում՝ Windows 10-ում: Գեյթսի խոսքով՝ իր «գործակալը» համադրելի կլինի ոչ միայն Windows-ի, այլև iOS-ի, Android-ի հետ: Բացառված չէ, որ այն սերտորեն կապված լինի Microsoft Office-ի հետ: