ԱՄՆ իշխանությունները փաստել են օդային տրանսպորտում պատրաստվող ահաբեկչությունների մասին կեղծ հաղորդագրությունների կտրուկ աճ։ Այս մասին հայտնում է CNN-ը՝ հղում անելով իր աղբյուրներին։
Ինչպես հայտնել են աղբյուրները՝ վերջին շաբաթվա ընթացքում ԱՄՆ իրավապահ մարմինները ստացել են օդանավերում պայթուցկ սարքերի մասին ավելի քան 50 կեղծ հաղորդագրություն։
Ստացվող սպառնալիքների կտրուկ աճ դիտվում է հունվարի 17-ից հետո, երբ տեղեկություն ստացվեց Delta Airlines ավիաընկերության՝ Ատլանտա-Ռոլի չվերթի օդանավի սրահում պայթուցիկ սարքի մասին։ Անվտանգության ապահովման համար օդանավին ուղեկցել են երկու կործանիչներ։ Օդանավը բարեհաջող վայրէջք է կատարել Ռոլի քաղաքի օդանավակայանում։
«Մենք շարունակում ենք արձագանքել ստացվող հաղորդագրություններին, ինչպես դա արել ենք նախկինում»,- հայտարարել է Հետաքննությունների դաշնային բյուրոյի աշխատակիցը։
Հունվարի 26-ին ԱՄՆ-ում միանգամից 3 օդանավեր արտակարգ վայրէջք են խնդրել պայթյունի սպառնալիքի պատճառով։