Մոնղոլիայում լոտոսի դիրքով նստած բուդդայական հոգևորականի մումիա են հայտնաբերել, տեղի ԶԼՄ-ներին մեջբերելով՝ գրում է Gazeta.ru-ն: Գտածոն հնագետները հայտնաբերել են երկրի մայրաքաղաքում՝ Ուլան Բատորում:
Գիտնականների կարծիքով՝ մումիայի տարիքը երկու դար է, այն մումիֆիկացվել է 19-րդ դարի սկզբին: Մումիան ծածկված է եղել ցլի մորթով:
Մոնղոլ ուսումնասիրողները ենթադրում են, որ մումիան Պանդիտո Խամբո-լամա XII Դաշի-Դորժո Իտիգելովն է, որը հոգևորական գործիչ է եղել: Սակայն նա մահացել է 1927թ.:
