Տեխասցի 40-ամյա Յասմին Էլեբին հուսահատվել է իր սիրո փնտրտուքներից և որոշել է ամուսնանալ ինքն իր հետ: Կինը պլանավորում է մեղրամսին Ասիա մեկնել: Նախկինում ինքն իր հետ ամուսնացել էր բրիտանուհի Գրեյ Գելդերը, հաղորդում է Mirror-ը:
38 տարեկանում, բաժանվելով իր հերթական ընկերոջից, Յասմին Էլեբին որոշել է, որ եթե մինչև 40 տարեկանը չհանդիպի իր երազանքների տղամարդուն, ապա կամուսնանա ինքն իր հետ: Ցավոք, հաջորդ երկու տարներին կնոջ փորձերն անհաջող են անցել:
Հունվարին Էլեբին շքեղ նշել է իր «միայնակ հարսանիքը», որին ներկա են եղել հարազատներն ու ընկերները: Ընդ որում, հարսանիքին նա իսկական հարսանեկան զգեստ է կրել: Իսկ եկեղեցի նրան մայրն է ուղեկցել: Էլեբին իր հարսանիքից շատ գոհ է մնացել:
«Ես այնքան երջանիկ էի, բոլոր հարազատներս եկել էին ինձ աջակցելու: Չեմ հիշում, թե երբ եմ վերջին անգամ այսքան սեր և աջակցություն ստացել»,- հայտարարել է ամերիկուհին: Ներկա պահին նա պատրաստվում է ճանապարհորդության գնալ Կամբոջա, Լաոս և Դուբայ:
