Այսօր Հայաստանի Հանրապետության զինված ուժերի կազմավորման 23 -րդ տարեդարձն է, որը, սակայն, մենք նշում ենք բավական մտահոգիչ իրավիճակում` սահմանային հետզհետե աճող լարվածության և դրա հետևանքով նորանոր զոհերի մասին գույժերի ուղեկցությամբ:
Իհարկե, մեր զինված ուժերը պատվով հաղթահարում են առկա մարտահրավերները, սակայն մեր կրած զոհերն ու լարվածության էսկալացիայի շարունակականության միտումը ցույց են տալիս, որ Հայաստանի անվտանգության ապահովման համար ներկայումս, գուցե առավել քան երբևէ, անհրաժեշտ է, որ համահունչ և համարժեք կերպով գործեն Հայաստանի անվտանգության ապահովմանը կոչված բոլոր ինստիտուտները, որոնց շարքում ՀՀ զինված ուժերը, իհարկե, զբաղեցնում են իրենց կարևոր տեղը:
ՀՀ անվտանգության ապահովման խնդիրների շուրջ ԱՆՏԻՆՈՄԻԱՅԻ տաղավարում զրուցում են ՀՀ ԶՈՒ 4-րդ բանակային կորպուսի հրամանատար Անդրանիկ Մակարյանը և «Գլոբալիզացիայի և տարածաշրջանային հետազոտությունների վերլուծական կենտրոնի» ղեկավար Ստեփան Գրիգորյանը: