Գնումներ կատարելը մարդկանց մի մասի համար միայն հերթական իրի ձեռք բերում չէ: Ոմանց համար դա արվեստ է, մյուսների համար՝ որս, երրորդների համար՝ հոգեթերապիա:Այսուհանդերձ՝ հաճախ մենք գնումներ կատարելիս բախվում ենք միևնույն սխալներին, որից խուսափելը թույլ կտա ավելի շատ բավարարվածության զգացում ունենալ գնումների վերջում:
ELLE-ը հավաքել է 10 ամենատարածված սխալները, որոնք աղջիկները գործում են խանութներ այցելելիս:
Դուք գնում եք ձեզ անհրաժեշտ իրերը տարբեր խանութներից
Սակայն հայտնի է, որ ոճային հագնվող մարդիկ նախընտրում են գնումներ կատարել միևնույն կամ մի քանի ապրանքանիշից, քանի որ նույն դիզայների իրերը լավ են համադրվում միմյանց հետ:
Դուք շատ փող եք ծախսում բազային իրերի վրա
Անկեղծ ասած, շատ թանկարժեք և ոչ այնքան թանկ կիսաշրջազգեստների միջև տարբերությունը կարող է նկատել առավելագույնը մեկ մարդ:
Անհրաժեշտ չափով չեք յուրացրել ժողովրդավարական բրենդները
Մատչելի բրենդները կարողանում են արագորեն արձագանքել նորաձևության միտումներին ու ներկայացնել ոճային հագուստներ: Դա գողություն չէ, այլ բրենդների դիզայներների հանճարեղ քաղաքականությունը
Դուք գնում եք միմյանց հետ չհամատեղվող իրեր
Ամենայն հավանականությամբ, դուք արդեն գիտեք՝ ինչ գույներ ու պրինտներ են ձեզ հարմար, աշխատեք հետևել դրանց, որպեսզի հետո չտանջվեք, թե ինչպես համադրեք գնված իրերը:
Դուք գնում եք ձեզ չհամապատասխանող մոդելներ միայն այն պատճառով, որ դրանք թրենդային են
Գուցե հարկավոր չէ վազել լայն միդի կիսաշրջազգեստի հետևից, եթե այն չի համապատասխանում ձեզ, բայց առկա է բոլոր նորաձևության ամսագրերում: Չէ՞ որ դիզայներները ձեզ առաջարկում են միայն տարբերակներ, իսկ թե որն ընտրել՝ ձեր որոշելիքն է:
Տնտեսում եք ձեր կազմվածքին հարմար իրեր ընտրելիս
Ինչու, երբ խոսքը թանկ զգեստ կարելու մասին է, որը դուք կհագնեք առավելագույնը 2-3 անգամ, դա նորմալ է դիտվում ձեր կողմից, իսկ կիսաշրջազգեստի կարճացումը ընկալվում է որպես ավելորդ ծախս: Մոռացեք կարծրատիպերի մասին՝ կատարյալ իրերը իրերը առավել էֆեկտիվ են դիտվում:
Դուք խնայում եք պայուսակների վրա ու չափազանց շատ եք կենտրոնանում կոշիկների վրա:
Պայուսակներն ու կոշիկները բոլոր կանանց գլխավոր նորաձև ֆետիշներն են, սակայն, որպես կանոն, աղջիկները նախընտրում են ավելի շատ գումար ծախսել կոշիկի վրա:
Սակայն եթե դատենք ռացիոնալ կերպով, դրանք մի քանի սեզոնից երկար կյանք չեն ունենա, իսկ պայուսակները ավելի երկար են ապրում, քանի որ դրանք հողին չեն դիպչում:
Մեկ թանկ զարդի փոխարեն էժանագին «բիժուներ» եք գնում: Մի քանի արհեստական քարերով վզնոցի փոխարեն՝ կարող եք գնել 1 ոսկե թևնոց:
Գոտին ստեղծված է ֆունկցիոնալ նպատակներով
Մարդկանց մեծ մասը համոզված է, որ գոտին անհրաժեշտ է միայն ֆունկցիոնալ նպատակով: Սակայն գոտին ավելի շուտ աքսեսուար է, որը օգնում է լրացնել կերպարը:
Դուք փորձում եք հագնվել բացառապես ձեր կազմվածքին համապատասխան
Միլիոնավոր հոդվածներ կան այն մասին, թե ինչ տիպի է ձեր կազմվածքը, սակայն պետք չէ ընկնել աբսուրդի գիրկը՝ ընտրելով զգեստ, որում ընդգծված է գոտկատեղը:
