Այսօր ԵԽԽՎ-ն կքվեարկի ՌԴ պատվիրակության՝ վեհաժողովի ղեկավար մարմիններում ու քվեարկությունում մասնակցության իրավունքը չվերականգնելու հարցը: Բանաձևը ենթադրում է ՌԴ պատվիրակությանը սահմանափակ քվերակելու հնարավորություն տալ, ուկրաինացիները, սակայն, պնդում են զրկել այդ իրավունքից:
ԵԽԽՎ պատվիրակությունների մի մասը հակված է երկխոսության, շատերը դեմ են, շատերը՝ կողմ, Հայաստանի պատվիրակությունը քվեարկությունից առաջ դեռ չի կողմնորոշվել: Ամբողջությամբ դեմ է քվեարկելու նաև Լիտվայի պատվիրակությունը:
Հիշեցնենք, որ 2014-ի գարնանային նստաշրջանում ՌԴ-ի կողմից Ղրիմի «բռնակցումից» հետո ԵԽԽՎ-ն անընդունելի որակեց Ռուսաստանի Դաշնության գործողությունները միջազգային իրավունքի, ՄԱԿ-ի խարտիայի, ԵԱՀԿ Հելսինկյան ակտի, ինչպես նաև Եվրոպայի Խորհրդի կանոնակարգի խախտման տեսանկյունից:
ՌԴ պատվիրակության ղեկավար, Պետդումայի նախագահ Սերգեյ Նարիշկինը նախօրեին ստրասբուրգյան իր ելույթում հայտարարեց, որ Ռուսաստանը պատրաստ է մեկ տարով դադարեցնել իր աշխատանքը ԵԽԽՎ-ում, եթե ՌԴ պատվիրակության իրավունքները չվերականգնվեն։