Դերասանուհի Ջեյն Ֆոնդան հոլիվուդյան կինոբիզնեսին մեղադրել է սեքսիզմի մեջ։ Այս մասին հայտնում է Indiewire-ը՝ հղում անելով «Սանդենս» փառատոնին կանանց հյուրասիրության ժամանակ Ֆոնդայի արած հայտարարությանը։
«Ստուդիաները ղեկավարվում են տղամարդկանց կողմից, նրանք աշխատանք են տալիս նրանց, ովքեր նման են իրենց։ Դա սեռի հարց է, այլ ոչ թե փորձի»,- վստահ է Ֆոնդան։
«Պետք է ամոթանք տալ ստուդիաներին սեռերի անհավասարության համար։ Պետք է ապացուցել, որ մենք կարող ենք կոմերցիոն առումով հաջողակ լինել։ Պետք է ակտիվ պայքարել և կանանց դուրս բերել առացքային դիրքեր՝ հիշելով, որ կանոններ չկան։ Քեթրին Բիգելոուն ֆիլմ է նկարահանել տղաների համար («Փոթորկի տիրակալը»), մինչդեռ նրա ամուսնը՝ Ջեյմս Քեմերոնը, նկարահանել է ֆեմինիստական «Ավատարը»,- նշել է Ֆոնդան։
Ավելի վաղ Սան Դիեգոյի համալսարանի հետազոտական խումբը պարզել էր, որ հայտնի հոլիվուդյան ֆիլմերի հեղինակների շարքում կին ռեժիսորների թիվը վերջին տարիներին նվազել է՝ 9 տոկոսից դառնալով 7 տոկոս։