Այս բազմասերիանոց դրամաների հերոսների կյանքին հետևում էր ամբողջ երկիրը՝ ապրելով նրանց ամեն մի րոպեով:
ELLE-ն պարզել է, թե ինչպես է դասավորվել դերասանների կյանքը, որոնց դեմքերը ծանոթ են մանկությունից:
«Հարուստները նույնպես լացում են» (Los ricos también lloran), 1979, Մարիաննա Վիլյառեալ և Լուիս Ալբերտո
Մեքսիկական հեռուստասերիալը իր ժամանակին իսկական հեղափոխություն արեց հեռուստատեսային ժանրում՝ դառնալով դասական: Գլխավոր դերերը կատարել են Վերոնիկա Կաստրոն և Ռոխելիո Գերրան:
Վերոնիկան բավական կայացած կին է, որը հաջողակ է որպես դերասանուհի, երգչուհի ու պրոդյուսեր: Նա երբեք չի ամուսնացել, ունի երկու երեխա:
Ռոխելիոն մինչ օրս նկարահանվում է՝ չնայած 86 տարեկան է:
«Սանտա Բարբարա» (Santa Barbara), 1984-1993, Իդեն Կեպվել և Կրուզ Կաստիլիո
Իդենի ու Կրուզի դերերի համար դերասաններ Մերսի Ուոլքերն ու Էյ Մարտինեսը «Էմմի» մրցանակ ստացան: Սիրահար զույգի պատմությունը բավական համոզիչ էր թվում քննադատներին:
«Սանտա Բարբարայից» հետո դերասանների ուղիները բաժանվեցին: Մարտինեսին առաջարկեցին աշխատել TV-ում: Նա ամուսնացած է 1982-ից ու դաստիարակում է 3 երեխաներին:
Մերսին «Սանտա Բարբարա»-ից հետո նկարահանվեց ընդամենը 1 հեռուստասերիալում՝ տարվելով հավատքով, եկեղեցում ծանոթացավ իր 5-րդ ամուսնու հետ, հարսանիքից հետո թողեց կինոն և դարձավ Օկլահոմայի փոքրիկ քաղաքի քրիստոնյա պաստորը:
Մեյսոն Կեպվել և Ջուլիա Ուենռայթ
«Մեյսոն և Ջուլիա» հաջողակ տանդեմը դերասաններ Լեյն Դևիսին ու Նենսի Լի Գրանին դարձրեց առաջին մեծության աստղեր:
Դերասանը իր գլխավոր ձեռքբերում է համարում երկու երեխաներին: Նենսին զբաղվում է քաղաքականությամբ ու բարեգործությամբ:
Ջինա Կեպվել ու Քեյթ Թիմոնս
Ջինա Կեպվելին մարմնավորեցին 2 դերասանուհիներ: Գլխավոր դերակատարուհու կերպարը հաջողվեց լավ մարմնավորել հատկապես Ռոբին Մեթսոնին: Ռոբինը անցավ անձնական դրամաների ու ամուսնալուծությունների միջով: Նա ներկայումս միայնակ է, շատ է նկարահանվում, ապրում է Լոս Անջելեսում ու Նյու Յորքում:
«Վերադարձ Եդեմ» (Return To Eden), 1983, Ստեֆանի Հարփեր, Տարա Ուելս և Դեն Մարշալ
Ռեբեկա Գիլլինգը իր կարիերան ավարտել է 1993-ին և սկսել զբաղվել բարեգործությամբ:
Ներկայումս նա ապրում է Ավստրալիայում: Դեն Մարշալի դերակատարն ունի ընդամենը 2 նշանակալի ֆիլմ:
«Վայրի հրեշտակը» (Muñeca brava, 1998-1999, Միլագրոս ու Ֆեդերիկո Իվո դի Կառլո
Նատալյա Օրեյրոն ծնվել է Ուրուգվայում, աշխատում է Արգենտինայում: Դերասանուհին ունի որդի:
Դերասան Ֆակունդո Արանան մինչ օրս նկարահանվում է արգենտինական հեռուստասերիալներում:
«Կլոն» (O Clone), 2001-2002, Ջեյդ Ռաշիդ ու Լուկաս Ֆերազ
Ջեյդի դերասանուհու՝ Ջովաննա Անտոնելլայի կյանքում ամեն ինչ այնքան հարթ չընթացավ, ինչպես սերիալում: Նրա երկու պաշտոնական ամուսնություններն էլ ավարտվեցին ամուսնալուծությամբ:
Ներկայումս նա իր սիրեցյալից ունի երկվորյակ աղջիկներ: Զույգը մեծացնում է 3 երեխայի, այդ թվում մեկին՝ սերիալի իր գործընկեր Մուրիլիո Բենիսիուից:
Մուրիլիոն ինքը ներկայումս ամուսնացած է դերասանուհի Ալեսանդրա Նեգրինիի հետ: