ՀՀ Զինված ուժերի 23-րդ տարեդարձին բարձրաստիճան պաշտոնյաներից բացի Եռաբլուր էին այցելել ազատամարտիկներ, որոնք արդեն տևական ժամանակ է՝ բողոքում են սոցիալական խնդիրներից:
Նրանցից Գագիկ Հովհաննիսյանը 12 երեխաների հայր է, երկրորդ կարգի հաշմանդամ կնոջ հետ այսօր Եռաբլուրում էր: Հովհաննիսյանն ուզում էր մոտենալ նախագահին՝ խնդիրը ներկայացնելու համար, սակայն չհաջողվեց, փոխարենը «Առաջին լրատվական»-ի հետ զրույցում ասաց, որ դիմում են գրել, հույս ունեն՝ կբավարարվի:
Երեխաներից 5-ը տղա են. ասում է՝ անպայման ևս 5 զինվոր է ունենալու, միայն պետության կողմից բավարար աջակցություն է ուզում իր ընտանիքին:
Ազատամարտիկի կինը՝ Արմենուհի Մանուկյանը, «Առաջին լրատվական»-ի հետ զրույցում պատմեց, որ նախկինում բողոքել են նաև կառավարության շենքի դիմաց՝ օգնություն եղել է, կովեր են նվիրել, որոնց կերակրելու համար, սակայն, պարտքով խոտ են վերցրել:
Ամբողջությամբ՝ մեր տեսանյութում: