Հունվարի սկզբին ամուսնությունից հետո Քեմերոն Դիասն ու Բենջի Մեդենը որոշեցին իրենց մեղրամիսն անցկացնել Ջեքսոն Հոուլ լեռնադահուկային առողջարանում՝ հայտնում է spletnik.ru-ն:
Աղբյուրի խոսքով՝ սիրահարները այցելել են տեղի սովորական սրճարանները, ինչպիսիք են Q Roadhouse-ն ու Brewing Co-ն, որտեղ պատվիրել են տապակած հավ ու կարտոֆիլ:
Տուն վերադառնալուն պես՝ նորապսակները հանդիպել են Բենջիի եղբորը՝ Ջոելին, ու նրա կնոջը՝ Նիկոլ Ռիչիին: Նրանց հանդիպումն անցել է Բևերլի Հիլզում՝ Four Seasons-ում:
Քեմերոնը լուսանկարներում երջանիկ տեսք ունի:
Հիշեցնենք, որ դերասանուհին ու Good Charlotte խմբի երաժիշտը ամուսնացան հունվարի 5-ին: Բևերլի Հիլզում Քեմերոնի առանձնատանը անցկացված արարողությանը ներկա էին եղել միայն նրանց մտերիմները: