Արցախի մի խումբ ազատամարտիկների հայտարարություն են տարածել,որում մասնավորապես ասվում է.
«Վերջին օրերին հունվարի 31-ին «100-ամյակն առանց ռեժիմի» շարժման դեպի Արցախ իրազեկման ավտոերթի վերաբերյալ Արցախում տարբեր կազմակերպությունների կողմից հնչող հայտարարությունները, Բերձորում տեղի ունեցող կոլեկտիվների ժողովները և տարբեր ստահոդ ասեկոսեները հուզել է Արցախի հասարակությանը:
Մեզ համար անհասկանալի, խորհրդային վատթարագույն ավանդույթներն հիշեցնող մեթոդներով փորձ է արվում վարկաբեկել «100-ամյակն առանց ռեժիմի» շարժումը, նրա մասնակիցներին և արդունքում արգելել նրանց մուտքը Արցախ:
«100-ամյակն առանց ռեժիմի» շարժման դեպի Արցախ իրազեկման ավտոերթը շարունակական միջոցառում է, սկսվել է Երևանից, ու շարունակվելու է ամբողջ Հայաստանով մեկ: Արցախից առաջ ավտոերթը եղել է ՀՀ մի քանի մարզերում, և նրանց ոչ մի տեղ խոչընդոտող չի եղել:
Արցախը մենք երբեք չենք բաժանել Հայաստանից և չենք բաժանելու: Արցախը որպես Հայաստանի մաս չի կարող անհաղորդ մնալ Հայաստանում տեղի ունեցող ցանկացած իրադարձության:
Ավտոերթի մուտքը Արցախ արգելելու կոչեր անողները մտածե՞լ են այն մասին , որ երթի մասնակիցների մեջ կարող են լինել մարդիկ,որոնց որդիները ծառայում են ՊԲ բանակում: Ինչպես են նրանք բացատրելու նրանց և նրանց որդիներին նման վերաբերմունքը: Դուք հասկանու՞մ եք թէ ինչ եք անում, ինչպիսի հետևանքների դա կարող է բերել:
Մենք գտնում ենք, որ «Ժողովրդի իրական ցանկություններին և մտահոգություններին անտեղյակ մի խումբ անձանց այդօրինակ վարվելակերպը ոչ միայն անիմաստ, այլև ազգային միասնությանն ու նրա անվտանգությանը սպառնացող» գործողություններ են : Կոչ ենք անում Արցախի իշխանություններին, կուսակցություններին, ՀԿ-ներին և հատկապես երիտասարդությանը զերծ մնալ այս վտանգավոր և անհեռանկար գործընթացից:
Բադասյան Վահան
Ավանեսյան Վլադիկ
Հայրապետյան Գրիշա
Ղարայան Շմավոն
Ավետիսյան Մխիթար
Ղազարյան Քերոբ
Թորոսյան Թորոս
Բադասյան Գրիշա
Աղաջանյան Գրիգորի
Սևումյան Զավեն
Աբրահամյան Վարշամ
Գևորգյան Արամ
Ադամյան Արտաշես