Ֆրանսիայի նախագահ Ֆրանսուա Օլանդը կոչ է արել հրեաներին չհեռանալ երկրից, փոխանցում է Reuters գործակալությունը:
Այս մասին նա հայտարարել է Օսվենցիմ քաղաքի մոտ Աուշվից-Բիրկենաու համակենտրոնացման ճամբարի ազատագրման 70-րդ տարելիցին նվիրված տոնակատարությանը իր ելույթի ժամանակ:
«Դուք պետք է այստեղ լինեք, սա է ձեր տունը: Ֆրանսիան ձեր երկիրն է»,- ասել է Օլանդը:
Ավելի վաղ Իսրայելի վարչապետ Բենիամին Նեթանյահուն Ֆրանսիայի հրեաներին առաջարկել է Իսրայել տեղափոխվել՝ հիշեցնելով, որ հենց դա է նրանց տունը: Վարչապետը դա հայտարարել է Փարիզում տեղի ունեցած ահաբեկչական հարձակումներից հետո:
