Artcurial աճուրդի տունը Փարիզում հազվագույտ մեքենաների աճուրդ է կազմակերպել: TASS-ի հաղորդմամբ, կարելի է ասել՝ գրեթե լեգենդար մեքենաներ կներկայացվեն, որոնք թողարկվել են ХХ դարի սկզբին:
Ամենաթանկարժեք լոտերից մեկը Ferrari 250 GT SWB California Spider-ն է: Ընդամենը 37 նման մեքենաներ են թողարկել, ընդ որում, աճուրդում կներկայացվի նաև Ալեն Դելոնին պատկանող մեքենան: Նա սպորտային այդ մեքենան ձեռք է բերել 1963 թ. այն բանից հետո, երբ նրա մասնակցությամբ «Ընձառյուծ» ֆիլմը Կաննի կինոփառատոնում «Ոսկե արմավենու» արժանացավ: Հենց այդ մեքենան էլ նա իր հետ 1965 թ. ԱՄՆ տեղափոխեց: Լոտի սկզբնական արժեքը 12 միլիոն եվրո է:
Այդ տարիներին ֆրանսիական կինեմատոգրաֆիայի ներկայացոցիչները անտարբեր չէին Ferrari-ի նկատմամբ: Աճուրդում ներկայացվել է նաև Վադիմ Ռոժեին պատկանող մեքենան, որի նախնական գինը 3.5 միլիոն եվրո է:
Հին մեքենաների սիրահարների համար ներկայացված կլինեն ավելի քան 100 մեքենաներ, օրինակ՝ 1928 թ. արտադրված Bugatti Grand Sport-ը, որը 830 օրինակով է թողարկվել, կամ 1932 թ. թողարկված Bugatti Type 55-ը: Այս մեքենաների արժեքը տատանվում է 1.5 միլիոն եվրոյի սահմաններում: