Twitter սոցցանցը միանգամից երկու թարմացում է ներկայացրել՝ խմբակային չաթերի հնարավորություն և ներդրված տեսախմբագիր: Այս ֆունկցիաներով թարմացված տարբերակները հասանելի են Android և iOS օգտագործողներին, իսկ Windows-ի և Mac OS Xի համար դրանք ավելի ուշ կհայտնվեն, գրում է Gazeta.ru-ն:
Անձնական հաղորդագրություններ ուղարկելը նախկինում էլ հասանելի է եղել, սակայն խմբակային չաթեր ստեղծելն անհնար էր: Դրանից բացի՝ այժմ հնարավոր է նաև խմբակային չաթերում առանձին թվիթեր ուղարկել:
Տեսախմբագիրը հնարավորություն է տալիս նկարահանել, խմբագրել և մինչև 30 վայրկյան տևողությամբ տեսահոլավակներ հրապարակել: Դա հինգ անգամ ավելի է, քան Vine վիդեոսերվիսի հնարավորությունները, որը նույնպես Twitter-ին է պատկանում:
