Չինաստանում սկանդալ է հասունանում տեղի պաշտոնյաների կողմից Կարմիր գրքում ներառված հազվագյուտ հսկա սալամանդրի միս ուտելու շուրջ։ Մի քանի պաշտոնատար անձինք հեռացվել են պաշտոններից միջադեպի հետաքննության ժամանակ։ Միջադեպի ընթացքում տուժել էին 3 լրագրողներ, ովքեր փորձել էին նկարահանել պաշտոնյաներին։ Այս մասին հայտնում է Southern Metropolis Daily-ն։
Հաղորդվում է, որ հազվագյուտ կենդանու մսից պատրաստված կերակուրը մատուցվել է հարավային Գուանդուն մարզի Շենչժեն քաղաքում բանկետի ժամանակ։ Նշվում է, որ լրագրողները դաժան ծեծի են ենթարկվել։
Միջոցառմանը ներկա է եղել քաղաքային ոստիկանության ղեկավարությունը։ Միջադեպի փաստով հետաքննություն է անցկացվում։ Մինչ հետաքննության ավարտը 14 ոստիկան հեռացված է աշխատանքից։